ഉദ്ദേശ ലക്ഷ്യം

നീൽ ആംസ്ട്രോങ് ചന്ദ്രനിൽ എത്തിയപ്പോൾ അവിടെ ഒരു മലയാളി ചായക്കട നടത്തുന്നുണ്ടായിരുന്നു എന്ന ഫലിതം നമ്മൾക്ക് എല്ലാവർക്കും പരിചിതമാണ്. ബ്രിട്ടനെ സൂര്യൻ അസ്തമിക്കാത്ത സാമ്രാജ്യം എന്ന് പറയുന്ന പോലെ സൂര്യൻ അസ്‌തമിക്കാത്ത സമൂഹമാണ് നമ്മൾ മലയാളികൾ. ലോകത്തിലെ ഏതെങ്കിലും ഒരു കോണിൽ ഒരു മലയാളി എങ്കിലും ഓരോ നിമിഷവും ഉണർന്നിരിപ്പുണ്ടാകും. ലോകമലയാളിയുടെ അറിവും അനുഭവങ്ങളും വരും തലമുറയ്ക്കായി എങ്ങനെ പ്രയോജനപ്പെടുത്താം എന്ന ചിന്തയിൽനിന്നാണ് shoetheworld.org പിറവിയെടുത്തത്. നിങ്ങൾ കേരളത്തിൽ ജീവിക്കുന്ന അധ്യാപകനോ വിദ്യാർത്ഥിയോ ആണെങ്കിൽ ലോകത്തിലെ വിവിധ രാജ്യങ്ങളിൽ ജീവിക്കുന്ന മലയാളികളുമായി ആശയങ്ങൾ പങ്കുവെക്കാനും സംസ്കാരം തൊഴിൽ-ഉപരി പഠന സാധ്യതകൾ തുടങ്ങിയവ നേരിട്ട് കാണുവാനും മനസ്സിലാക്കുവാനുള്ള അവസരമാണ് showmetheworld. org ഒരുക്കുന്നത്. കേരളത്തിൽ ജനിച്ച് വളർന്ന ഇപ്പോൾ വിദേശരാജ്യങ്ങളിൽ ജോലിചെയ്യുന്ന ഒരു പറ്റം മലയാളികളുടെ ആശയമാണ് showmetheworld.org.